Fara í aðalinnihald

Færslur

Sýnir færslur frá febrúar, 2012

Að búa til sprengjur

Við þóttum stundum nokkuð uppátækjasamir, nokkrir æskufélagarnir og eitt af því sem við gerðum í trássi við allt og alla, var að búa til sprengjur.

Nú les ég að lögreglan telji að það þurfi nokkra kunnáttu til að búa til sprengjur og það er kannski eitthvað til í því, en mig minnir það ekki vera svo ýkja erfitt.

Meðal annars bjuggum við til mólotoffkokteila, rörasprengjur, sprengjur úr rakettupúðri eða haglaskotapúðri, eldspýtnasprengjur og síðast en ekki síst bjuggum við til riffil úr 3/8" krana og röri sem við skutum úr með því að stinga riffilkúlu inn í kranann og slá honum svo í eitthvað hart (vegg eða stein) og þá þaut kúlan um rörið sem virkaði eins og hlaup.  Gallinn var sá að það var erfitt að miða með þessum riffli og við hentum honum þegar einn okkar heyrði kúluna þjóta rétt við eyrað á sér.

En þetta var útúrdúr.

Það sem ég vildi sagt hafa, er að það er ekki mjög flókið að búa til sprengjur og fyrst ég gat það þegar ég var tólf ára með Sven Hassel og álíka literatúr til…

Jarðgöng sem hefði átt að grafa

Í svipinn man ég eftir tveimur jarðgöngum sem hefði átt að grafa í stað þess að fara í aðrar framkvæmdir sem áttu að leysa sama vanda og göngin.

Það hefði átt að grafa göng undir Lónsheiði í stað þess að malbika veginn um Þvottár- og Hvalnesskriður.  Veginn þann þarf stanslaust að hreinsa af grjóti vegna hruns og stundum falla þar skriður svo stórar að þær dræpu hvern sem sem fyrir þeim yrði.  Tilviljun ein hefur afstýrt því enn, en við megum ekki reikna með því að svo verði alltaf.  Hvað myndu margir lifa það af ef rúta með sextíu farþegum rúllaði með grjótskriðu niður hlíðina og ofan í Lón?  
Undir Hólmaháls, á milli Reyðarfjarðar og Eskifjaðrar, hefði átt að grafa göng í stað þess að byggja nýjan veg, margfalt lengri en göngin, fyrir hálsinn.  Göngin hefðu orðið um 300 metrar að lengd en nýji vegurinn er oft illfær vegna hálku, snjóa eða veðurs.  Lagning hans var í raun sóun á almannafé.
Ég veit ekki hvort göng milli Stöðvarfjarðar og Breiðdals hefðu verið fjárhagslega réttlætanleg…